CELLULAR

Cellular a run di nation, everbodi got one, even di younga generation. Jamaican people get suh hype, if yuh don't have a cellular den yuh out adi light. Every whey yuh tun people pon phone, if yuh don't have one den yuh know yuh on yuh own. Cellular create di good and di bad, a ongly wish people would use it, fi proper benefit. Children caan even concentrate in school because di cellular a tun dem in a fool. Lawyers, Doctors, Vendors, even di Politicians too, wen dem deh pon dem cellular den fine suh much ting to do.One time gone ongly di rich an di industrious could bi seen wid cellular but every bodi have it, dung to di prophet. Cellular a good ting fi keep, even dough it mek yuh mourn an weep. Digicel, Claro and Lime mus bi doing fine, even wen di price high, nobody nah decline, di people dem ongly waan know dat dem dey pon line. Mr. Digicel,Claro and Lime even dough yuh are having a gran time, teach di people how to use di cellular cause dem caan bi driving a deh pon phone, a it a cause sum of di accident if yuh don't know. Cellular is good to have even wen yuh nuh have nuh credit, "Please call me" is anada way to benefit. Di cellular is a whole lot of fun but nuh use it fi track nobody dung, an use it ongly wen yuh nah drive, cause di cellular a help to tek people's life.