Crime and violence a wen it gwine stop all yuh hear daily is killing and gunshot. Madda's crying, fadda's sighing, children raping, bodies dying. Politicians and Government urging and pleading, while de shooting and killing is jus exceeding. Dem sey education is de key but de people dem sey dat a nuh reality. Nuh jobs for de poor and de infamous, only for de rich and de industrious. Wi can't even trust de policeman dem cause dem act like wi enemy more dan wi fren. Dem sey dem here to serve han protect but dem logo not even connect. Wi can't even stay out late agen cause in de mawning yuh woulda hear wat and wen? Children use to play ontil late nite, now children caan play widout a fite. Madda intervene, police pon scene, ambulance a come inbetween wi dem sirene, children kill each ada ova tangarine. People of dis country hear mi a talk, a sit mi sit an write dis mi neva didda walk, help stop de violence by stop discriminate cause wen di pressure tek yuh it is too late.
No comments:
Post a Comment