EDUCATION

Listen to di lyrics an comprehen education is a mus suh tap preten. Septemba mawning wi look suh new, di en ade year mammy seh if she ongly knew. School fee waste, clothes caan fit, sickness cum mammy sey wad dis? Head-ache, back-ache, even tooth-ache too, gal start bawl and mammy tun blue. Sen yuh to School to get an education yuh out deh wid buoy meking genaration. How yuh a guh manage, wey yuh gwine stay, a three more mi have wey in a day-care. a try mi dida try wid yuh because mi neva have nobody fi sen mi go a school are even guide mi in wat to do. Whey di fada deh, a hope yuh know a who, a di same ting happen to mi too. But yuh a jus twelve still a chile, a hope is nat a big man because dat woulda mek mi petrified. Widout education yuh dreams are shattered mi know dis because i was abused and battered. Yuh have a chance to start ova agen but in a fe mi time dis woulda bi de end. So yuh mek a mistake but it nuh too late guh back in a school an listen to de rule, being a young madda is neva easy it's complicated an even messi. Education a gi whey so tek it wid ease, leave madda hood fi lata, education is di key.